बिहीबार, कार्तिक ६ २०७७
काठमाडौं ०८:४२
वासिङटन डिसी 22:57

राष्ट्रपति ओबामा भारत आउने

इनेप्लिज २०७१ पुष ३० गते १५:१७ मा प्रकाशित

barak-obamaनयाँ दिल्ली, ३० पुस । संयुक्त राज्य अमेरिकाका राष्ट्रपति बाराक ओबामा तीनदिने औपचारिक भ्रमणका लागि यही जनवरी २५ मा भारत आउन लाग्नुभएको छ ।

सो अवसरमा राष्ट्रपति ओबामा जनवरी २६ मा आयोजना हुने भारतको गणतन्त्र दिवस विशेष समारोहमा सहभागी हुनुहुने बताइएको छ ।

भारतीय प्रधानमन्त्री नरेन्द्र मोदीको निमन्त्रणामा भारत आउन लाग्नुभएका राष्ट्रपति ओबामा सो समारोहको प्रमुख अतिथि हुनुहुने बताइएको छ ।

सो औपचारिक कार्यक्रमका अतिरिक्त उहाँले भारतीय प्रधानमन्त्रीसँग पनि भेटवार्ता गर्नुहुने कार्यक्रम रहेको छ । साथै उहाँले भारतको औद्योगिक समुदायलाई पनि सम्बोधन गर्नुहुने छ ।

राष्ट्रपति ओबामा भारतको एक प्रसिद्ध पर्यटकीय सहर आग्रा तथा ताजमहलको पनि भ्रमण गर्नुहुने कार्यक्रम रहेको समाचारमा जनाइएको छ । रासस/सिन्ह्वा

प्रतिक्रिया