वार्तालाई निरन्तरता दिन अध्यक्ष नेम्वाङको प्रधानमन्त्री र अध्यक्ष ओलीलाई सुझाव

काठमाडौँ, ३० पुस । संविधानसभाका अध्यक्ष सुवास नेम्वाङले प्रधानमन्त्री सुशील कोइराला र नेकपा (एमाले)का अध्यक्ष केपी ओलीलाई दलहरुसँगको वार्तालाई निरन्तरता दिएर सहमति खोज्ने प्रयासलाई जारी राख्न सुझाव दिनुभएको छ ।

प्रधानमन्त्री निवास बालुवाटारमा उहाँहरुसँग आज भएको भेटमा अध्यक्ष नेम्वाङले दलहरुबीच संविधानका विषय र प्रक्रियामा सहमति भएको खण्डमा अझै पनि माघ ८ गतेभित्र संविधान जारी गर्न सकिने उल्लेख गर्नु भयो ।

संविधानसभाले प्रतिवेदन प्राप्त गरिसकेपछिको प्रक्रियालाई संविधान, निमय र स्थापित अभ्यासबमोजिम टुङ्गोमा पु¥याउने प्रयास गर्ने जानकारी गराउँदै उहाँले प्रधानमन्त्री कोइराला र अध्यक्ष ओलीलाई शीर्षतहको वार्तालाई तत्कालै आरम्भ गर्न आग्रह गर्नुभएको थियो । जवाफमा प्रधानमन्त्री एव् अध्यक्ष ओलीले दलहरुबीच छलफल गरी अघि बढ्ने प्रतिबद्धता जनाउनुभएको अध्यक्ष नेम्वाङले जानकारी दिनुभयो ।

उहाँले माघ २ गतेदेखि बस्ने संविधानसभाको बैठकलाई अघि बढाउन र एउटा निष्कर्षमा पु¥याउन आवश्यक पहल गरिदिन समेत ध्यानाकर्षण गराउनुभएको थियो ।