ट्रकको ठक्करबाट एकको मृत्यु

हेटौँडा, ३० पुस । काठमाडौंबाट वीरगन्जतर्फ जान आइरहेको ना५ख २५७७ नम्बरको ट्रकले हेटौँडा उपमहानगपालिका–४ स्थित बुद्धचोकमा एक महिलालाई आज मध्याह्न ठक्कर दिँदा मृत्यु भएको छ ।

मृत्यु हुनेमा हेटौँडा उपमहानगरपालिका–३ की ४५ वर्षीया माझुली मानन्धर रहेको जिल्ला प्रहरी कार्यालय मकवानपुरले जनाएको छ । उनको उपचारका लागि चितवन लैजाने क्रममा बाटोमै मृत्यु भएको हो ।

ठक्कर दिने ट्रक र ट्रक चालक धादिङको ठकरा गाविस–५ बस्ने २९ वर्षीय सुदर्शन राउतलाई प्रहरीले नियन्त्रणमा लिएको छ ।