मंगलबार, कार्तिक ४ २०७७
काठमाडौं १६:४६
वासिङटन डिसी 07:01

राष्ट्रपति डा यादवसँग संविधानसभा अध्यक्षको भेट

इनेप्लिज २०७१ पुष ३० गते १४:३४ मा प्रकाशित

THTD576A0A2_onlineकाठमाडौँ, ३० पुस । राष्ट्रपति डा रामवरण यादवसँग संविधानसभा अध्यक्ष सुवास नेम्वाङले आज भेटवार्ता गर्नुभएको छ ।

राष्ट्रपति कार्यालय शीतल निवासमा उहाँहरुबीच भएको भेटवार्तामा संविधान निर्माणमा सहमतिका लागि भइरहेको प्रयास र संविधान लेखनको प्रगतिबारे केन्द्रित रहेर छलफल भएको थियो ।

सो अवसरमा राष्ट्रपति यादवले संविधान निर्माणमा दलबीच भएको वार्ता, छलफल र सहमति लगायतको स्थितिका बारेमा चासो व्यक्त गर्नुभएको थियो । उहाँले दलहरु सहमतिका लागि अग्रसर हुनुपर्छ भन्ने भनाइ राख्दै संविधान लेखनले प्रगति हासिल गर्न नसकेकामा चिन्ता र सरोकार राख्नुभएको थियो ।

सभाध्यक्ष नेम्वाङले दलहरुबीच संविधानका अन्तरवस्तु र सिद्धान्तमा सहमति भएको खण्डमा अझै पनि माघ ८ गते नयाँ संविधान जारी गर्न सम्भव रहेको राष्ट्रपतिलाई जानकारी गराउनुभएको थियो । उहाँले संविधान जारी गर्नका लागि तोकिएको समय अत्यन्तै नजिक आइसकेको अवस्थामा दलहरुबीच आवश्यक वार्ता, संवाद र छलफल नभइरहेको परिस्थितिबारे अवगत गराउँदै छलफललाई निरन्तरता दिँदै सहमति खोज्ने प्रयासमा जुट्न आफूले नेताहरुलाई घच्घच्याइरहेको उल्लेख गर्नु भयो ।

प्रतिक्रिया