शुक्रबार, कार्तिक १४ २०७७
काठमाडौं ०९:५८
वासिङटन डिसी 00:13

संविधानसभाकोे बैठक स्थगित

इनेप्लिज २०७१ पुष ३० गते १४:३१ मा प्रकाशित

काठमाडौँ, ३० पुस । संविधानसभाको भोलि माघ १ गते दिउँसो १ बजेका लागि निर्धारण गरिएको बैठक स्थगित भएको छ ।

संविधानसभाको मङ्गलबार बसेको बैठकले अर्को बैठक भोलि १ बजे बस्ने गरी तय गरेको थियो । संविधानसभाका अध्यक्ष सुवास नेम्वाङको कार्यकक्षमा बसेको राजनीतिक दलका सचेतकको बैठकले भोलिका लागि तय गरेको बैठक माघ २ गते शुक्रबार बिहान १० बजे बस्ने गरी निर्धारण गरेको अध्यक्ष नेम्वाङले सञ्चारकर्मीलाई जानकारी दिनुभयो ।

विभिन्न राजनीतिक दल, सभासद् र समुदायले भोलि माघेसङ्क्रान्ति परेकाले भोलिका लागि तय गरेको संविधानसभाको बैठक सार्न सभाध्यक्षलाई आग्रह गर्नुभएको थियो ।    सो आग्रहका कारण बैठक शुक्रबारका लागि सारिएको हो ।

प्रतिक्रिया