डा. केशव पौडेल संग बे एरियामा भेटघाट तथा अन्तरक्रिया

एनआरएन अमेरिकाको आगामी नेतृत्वका लागि डा. केशव पौडेलले आफ्नो अभियान जारी राख्नु भएकै बेलामा यही १७ जनवरी, २०१५ मा बे एरियामा भेटघाट तथा अन्तरक्रिया कार्यक्रम हुने भएको छ ।

बे एरियाबासीहरुको संयुक्त पहलमा सोही दिन दिउँसो १२ बजेदेखि ४२३ ब्रड् वे, अर्बनकरीमा अन्तरक्रिया हुन लागेको हो । एनआरएन अमेरिकाको गत निर्वाचनमा डा. पौडेलले खगेन्द्र जिसीलाई समर्थन गर्दै आफूले वरिष्ठ उपाध्यक्षमा दिनुभएको उम्मेदवारी फिर्ता लिनु भएको थियो ।

एनआरएन अमेरिकाको आगामी नेतृत्वका लागि अभियान शुरु गर्नुभएका डा. पौडेलले ठूलो सफलता पाउँदै आउनुभएको छ । यसबाट उत्साहित डा. पौडेलले चाँडै नै उम्मेदवारी घोषणा गर्ने तयारी गर्नुभएको छ ।

एनआरएन अमेरिकाको आगामी नेतृत्वका लागि डा. पौडेलको पक्षमा अमेरिकाभरि नै लहर उर्लिरहेको छ । अमेरिकाबासी नेपालीहरु एनआरएन अमेरिकाको आगामी नेतृत्व डा. पौडेललाई सुम्पिनका लागि आतुर देखिएका छन् ।