बुधबार, कार्तिक ५ २०७७
काठमाडौं १०:३३
वासिङटन डिसी 00:48

कपिलवस्तुका एक गाविस सचिवलाई विभागीय कारबाहीको निर्देशन

इनेप्लिज २०७१ पुष ३० गते ८:३९ मा प्रकाशित

तौलिहवा (कपिलवस्तु), ३० पुस । नियम मिचेर काम गरेको आरोपमा कपिलवस्तु प्रशासनले एक गाविस सचिवलाई कारबाही गर्न निर्देशन दिएको छ ।

प्रशासनले गाउँमै गर्नुपर्ने गाविस परिषदको बैठक सदरमुकाममा गरेपछि बिजुवा गाविसका सचिव अयोध्याप्रसाद विश्वकर्मालाई विभागीय कारबाहीको निर्देशन दिएको हो ।

सरकार र जिविसको निर्देशन अवज्ञा गर्दै गत पुस २७ गते स्थानीय राजनीतिक दलको सहमतिमा गाविस परिषद् सञ्चालन गरेपछि ती गाविस सचिवलाई विभागीय कारबाही गर्न प्रशासनले जिविसलाई निर्देशन दिएको हो ।

यता गाविस सचिव विश्वकर्माले स्थानीय राजनीतिक दलको सहमतिबाट सो परिषद् तौलिहवामा सञ्चालन गरेको दाबी गर्नुभएको छ ।

बिजुवा र कजराहवा गाविसको कार्यभार सम्हाल्दै आएका सचिव विश्वकर्माले लामो समयदेखि तौलिहवामै कार्यालय सञ्चालन गर्दै आउनुभएको थियो ।

प्रतिक्रिया