दुई सभासद् थपिए

काठमाडौँ, २९ पुस । संविधानसभाका अध्यक्ष सुवास नेम्वाङले दुई मनोनीत संविधानसभा सदस्यलाई पद तथा गोपनीयताको शपथ दिलाउनुभएको छ ।

संविधासभाका अध्यक्षको कार्यकक्षमा आज अपराह्न आयोजित समारोहमा अध्यक्ष नेम्वाङले नेकपा(एमाले) निकट प्रा लालबाबुप्रसाद यादव र नेपाली काँग्रेस निकट नेपाल आदिवासी जनजाति महासङ्घका अध्यक्ष नगेन्द्रकुमार कुमाललाई पद तथा गोपनीयताको सपथ गराउनुभएको हो ।

मन्त्रिपरिष्दको यही पुस २४ गतेको बैठकले उहाँहरु दुवैलाई संविधानसभा सदस्यमा मनोनयन गर्ने निर्णय गरेको थियो ।  शपथ ग्रहण समारोहमा काँग्रेस र एमाले नेताका साथै दुवै दलका संसदीय दलका सचेतक उपस्थित हुनुहुन्थ्यो ।