शनिबार, मंसिर १३ २०७७
काठमाडौं १३:५०
वासिङटन डिसी 03:05

शिक्षित बन्दै सुस्तश्रवण बालबालिका

इनेप्लिज २०७१ पुष २९ गते ३:११ मा प्रकाशित

Susta baal baalikaa

पथरी, २९ पुस । मोरङको पथरी शनिश्चरे–१२ की ११ वर्षीया आयुसा खत्री सुस्तश्रवण भएका बालिका हुन् ।

स्थानीय इटहराको देवीस्थान महेन्द्र उच्चमाविले सञ्चालन गरेको विशेष सुस्तश्रवण शिक्षाअन्तर्गत कक्षा चारमा उनी पढ्छिन् । उनीजस्तै पूर्वी मोरङका सुस्तश्रवण भएका बालबालिका उक्त विद्यालयमा पढ्छन् । केरौनकी १४ वर्षीया मुना लुइँटेल कक्षा पाँचमा पढ्छिन् ।

त्यस्तै ११ वर्षीय जीवन ढकाल कक्षा चार, १४ वर्षीया लक्ष्मी दङ्गाल कक्षा चार, नौ वर्षीया कल्पना श्रेष्ठ कक्षा दुईमा पढ्छिन् । सुस्तश्रवण भएका थप चार पाँच कक्षादेखि माथि अध्ययन गर्दै आएका छन् । सो विद्यालयले २०५८ सालदेखि सुस्तश्रवण कक्षा सुरु गरेको हो । सुस्तश्रवण भएका  बालबालिकालाई छुट्टै शिक्षक खगेन्द्र अधिकारीले पढाउने गर्नुभएको छ ।

उनीहरुलाई खान र बस्नको सुविधा विद्यालयले गरेको छ तर लुगाफाटो तथा  कपीकलमको परिवारले व्यवस्था गर्नुपर्ने शिक्षक अधिकारीले बताउनुभयो । उनीहरुलाई १२ कक्षासम्म निःशुल्क पढाउने व्यवस्था मिलाएको शिक्षक अधिकारीको भनाइ छ ।

प्रतिक्रिया