संविधानका लागि पत्रकारको दबाब

महोत्तरी, २७ पुस । तोकिएको समयमै नयाँ संविधान जारी गर्न  दबाब दिने उद्देश्यले आज महोत्तरीका पत्रकारहरुले मौन र्‍याली निकालेका छन् ।

नेपाल पत्रकार महासङ्घ महोत्तरी शाखाको अगुवाइमा भएको सो र्‍यालीमा ३० भन्दा बढी पत्रकारको सहभागिता थियो ।

र्‍यालीपछि आयोजित कोणसभालाई सम्बोधन गर्दै पत्रकार महासङ्घ महोत्तरी शाखाका अध्यक्ष ईश्वरी पौडेलले नेपाली नागरिकसँग आफैंँले गरेको बाचा नभुल्न दलका नेतालाई आग्रह गर्नुभयो ।

कोणसभालाई सामुदायिक वन उपभोक्ता महासङ्घ महोत्तरीका अध्यक्ष कुमार घिमिरे, भूमि अधिकार मञ्चका जिल्ला सचिव राजकुमार बस्नेतलगायतले सम्बोधन गर्नुभएको थियो । रासस