आइतबार, कार्तिक ९ २०७७
काठमाडौं २०:२८
वासिङटन डिसी 10:43

बेलायती प्रधानमन्त्रीको अमेरिका भ्रमण

इनेप्लिज २०७१ पुष २७ गते १४:५५ मा प्रकाशित

david-cameron_2114101bवासिङ्टन, २७ पुस । बेलायती प्रधानमन्त्री डेभिड क्यामरुन यसै हप्ता अमेरिकाको  औँपचारिक भ्रमणमा जानु हुँदैछ ।

अमेरिकी राष्ट्रपति निवास ह्वाइट हाउसले गत शनिबार जनाएअनुसार उहाँले राष्ट्रपति बाराक ओबामासँग दुवै देश सम्बन्धी थुप्रै विषयमा छलफल गर्नुहुने छ ।

आगामी जनवरी १५ देखि १६ सम्मलाई निर्धारण गरिएको उक्त भ्रमण कार्यक्रममा राष्ट्रपति ओबामाले  स्वागत गर्नुहुने र बेलायत तथा अमेरिकी जनताबीच सयौँ वर्षदेखि कायम रहेको प्रगाढ सम्बन्धलाई चिरस्थाई बनाउने समेत जनाइएको छ ।

प्रधानमन्त्री क्यामरुनलाई राष्ट्रपति ओबामाले ह्वाइट हाउसको ओभल अफिसमा १५ जनवरीको बेलुका रात्रिभोजको आयोजना गर्नुहुने र १६ जनवरी बिहानदेखि औपचारिक बैठक सुरु हुने बताइएको छ ।

दुई शीर्षस्थ नेताबीच आर्थिक वृद्धि, अन्तर्राष्ट्रिय व्यापार, साइबरसेक्युसिटी, इरानसम्बन्धी मामिला, आइएस आइएलको गतिविधि उपर निगरानी र आतङ्कवाद विरुद्धको सहकार्य, इबोला भाइरसबाट मुक्ति, युक्रेनमा रसियाले गरेको ज्यादती इत्यादीबारे विस्तृत र गहन विषयमा छलफल गरिने समेत ह्वाइट हाउसबाट प्रकाशित विज्ञप्तिमा जनाइएको छ । एजेन्सी

प्रतिक्रिया