एनआरएन अमेरिकाको महासचिबमा प्रसन्न संग्रौलालाई नै किन?

प्रसन्न संग्रौला महासचिबका उम्मेदवार

सामुदायिक भावना, सदभाव र भाईचारा हामी नेपालमा जन्मिएकाहरुको रगतमा सदैव संचार भैरहन्छ । यसै कारणले हामीमा सबै प्रती आदर , प्रेम र सहिष्णुता छ । शान्ति र विरतामा अटल बिश्वास छ । जन्म-भुमी नेपाल प्रती गर्व छ । यसै कारण त ” एक पटकको नेपाली सधैको नेपाली” । हामी अवसर र ज्ञानको खोजीमा अमेरिका आइ नेपालीत्वको भावनालाई आत्मासात गर्दै एक अर्कालाई आफ्नो क्षमता र विवेकको परिधिले भ्याउने सम्म सहयोग गर्दै आइरहेका छौ ।

यहि सामुहिक सदभावलाई संस्थागत गर्न र नेपाल र अमेरिकामा रहेका जनता वीच सेतु बनेर “नेपाली” हरुको बृहतर हित गर्ने उद्देश्यको साथ एन आर एन को स्थापना भएको त सबैलाई जानकारी छँदै नै छ । यो संस्थालाई अझ बढी प्रभावकारी बनाई “नेपाली” समुदायको हरेक स्थानमा प्रभावकारी उपस्थिति बनाउन म प्रसन्न संग्रौला महासचिवको रुपमा तपाईंहरुको प्रतिनिधित्व गरी योगदान दिन चाहन्छु ।

मेरो विश्वास ,तपस्या,र भरोसा अमेरिकामा बसि रहनु भएका तपाईं आदरणीय प्रवासी नेपालीहरुमा छ । नेपाली समुदायलाई अमेरिकामा प्रतिष्ठित बनाई गौरबशालि र पौरखी नेपालीको परीचयलाई अझ उचाई मा पुर्याउन मेरो उम्मेदवारी सहायक सिद्ध हुने कुरामा म बिश्वस्त छु ।

मेरा एजेन्डा सरल, सामान्य, र बिश्वासशिला छ्न ” एक पटकको नेपाली सधैको नेपाली ” को सपना र बिश्वास जस्तै ।

एजेन्डाहरु

जन्मभुमीको मायाको नाताले नेपाल र नेपाली सँग जोडिएका हरेक बिषय माथि चासो ब्यक्त गरी नेपाल बिकासमा सबैलाई उत्प्रेरित गर्दै एकतामा प्रवासी नेपालीलाई गास्ने ।

नेपाल सरकारको प्रवासी नेपालीलाई नागरिकता सम्बन्धि कानुनी मान्यतालाई तथ्य पुर्ण छलफलको माध्यमबाट समाधान गर्न हरेक तह र तप्कामा छलफल गर्ने ।

नेपाल र नेपालीको आर्थिक सम्बृद्धि र बिकासको लागि उद्धमशिलतालाई बढावा दिई नेपालमा प्रवासी नेपालीको लगानीलाई सहज बनाउन नेपाल सरकार सँग समन्वय गर्ने ।

यस संस्थालाई सेवा मुलक संस्थाको रुपमा बिकास गरी सबै नेपालीको संस्था बनाउने । नेपालमा जन्मिएर अमेरिका आएका र अन्य देशमा जन्मी अमेरिकामालाई कर्मथलो बनाएका नेपाली भाषा बोल्ने अन्य देश, जस्तै भुटान, बर्मा, भारतका नेपालीहरुलाई पनि यस संस्थामा गोलबद्ध गर्ने ।

अमेरिकामा बिभिन्न स्वरुपमा जस्तै डि भि, विद्यार्थी, पर्यटक, कलाकार आदी भएर आउन चाहने र आई सकेका नेपालीहरुको सुबिधाको लागि एक सुचना केन्द्रको स्थापना गर्ने ।

सबै जात-जातीले परापुर्बकाल देखी मान्दै आएको चाडपर्वलाई जीवन्तता प्रदान गर्न समान्वयकारी भूमिका निर्वाह गर्ने ।
भैपरी आउने प्रकृतिक र मानवीय बिपतीको लागी आपतकालिन कोष खडा गर्ने । प्रत्यक राज्यमा नेपाली समन्वय केन्द्र स्थापना गर्ने ।

अमेरिकी विश्वविद्यालयबाट दिक्षित बिद्यार्धीहरुलाई कामको खोजीमा सहयोग गर्न बिभिन्न अमेरिकी कार्यालयहरुमा स्थापितहरु सँग हातेमालो गरी अगाडी बढ्ने ।

अमेरिकामा स्थापित विभिन्न बिषयका प्रबुद्ध प्रवासी नेपालीहरुको समुह निर्माण गरी नेपाल सरकारलाई उचित परामर्श प्रदान गर्ने ।

अमेरिकामा राजनैतिक शरण लिएर बसोबास गरि रहेका प्रवासी नेपालीहरुलाई कानुनी उपचारको लागि सहयोग गर्ने ।