कथित इस्लामीकरणको बिरोधमा जर्मनीमा बृहत प्रदर्शन

काठमाडौ, २२ पुस । युरोपमा कथित इस्लामीकरणको बिरोधमा इस्लाम बिरोधी र समर्थकले जर्मनीको अलग-अलग शहरमा प्रदर्शन गरेका छन् ।

पेट्रियाटिक युरोपियन्स अगेन्स्ट द इस्लामाइजेशन अफ वेष्ट अर्थात पेगिडा नामक आन्दोलनको नाममा गत अक्टोबरदेखि हरेक साता जर्मनीमा प्रदर्शन हुँदै आएको छ ।

प्रदर्शनकै क्रममा पेगिडाका समर्थकहरुले जर्मनीको ड्रेसडेन शहरमा एक बिशाल र्यालीको आयोजना गरेका छन् जसमा १८ हजार प्रदर्शनकारीहरु सहभागी भएका छन् भने र्यालीको बिरोधमा पनि बिशाल प्रदर्शन भएको छ ।

जर्मनीको बर्लिन, कोलोग, र स्टुटगार्टमा भेला भएका बिरोधीहरुले पेगिडाको बिरोधमा नारा लगाएका छन् ।

आन्दोलन जारी रहेकै बेला जर्मन चान्सलर एन्जेला मर्केलले पेगिडा आन्दोलनका नेता कार्यकर्ताहरुलाई पूर्वाग्रह र उदासीनताका शिकारको संज्ञा दिएपछी पेगिडाका समन्यवकर्ता कैथ्रीन ओरटेलले खण्डन गर्दै जर्मनी राजनैतिक दमनतर्फ अग्रसर भएको आरोप लगाएका थिए ।

जर्मनीमा बिभिन्न युरोपेली राष्ट्रका नागरिकहरु रहेको र त्यसमध्ये अधिकांश सिरियाका नागरिकहरु रहेका छन् । स्रोत :एजेन्सी