सोमबार, कार्तिक १० २०७७
काठमाडौं १४:५१
वासिङटन डिसी 05:06

आफुहरुलाई बाईपास गरि संबिधान जारि गरे मान्य हुँदैन – नेता विश्वकर्मा

इनेप्लिज २०७१ पुष २२ गते १२:०२ मा प्रकाशित

Gas-Baji

शरद रेग्मी:दाङ, २२ पुष । नवगठित नेकपा माओवादीका प्रवत्ता खड्ग बहादुर विश्वकर्माले आफुहरुलाई बाईपास गरि संबिधान जारि गरे त्यो आफुहरुलाई मान्य नहुने बताउनु भएको छ ।

रिपोर्टर्स क्लव नेपाल दाङ शाखाले आज तुलसीपुरमा आयोजना गरेको पत्रकार सम्मेलनमा बोल्दै बिश्वकर्माले जनताको चाहना बिपरित दलहरु अगाडि वढे त्यो आफुहरुलाई मान्य नहुने बताउनु भएको हो ।

अहिलेको निकास भनेको राष्ट्रिय राजनितिक सभा मार्फत सहमतिको बिन्दु खोज्नु हो उहाको भनाई थियो । बिश्वकर्माले भन्नु भयो ‘ राजनितिक सभाले मात्र अहिलेको गतिरोध अन्त्य हुन्छ ।’

उहाले सक्तासिन दलहरुले १२ वुदे र बिस्तृत शान्ति सम्झौताको पालना नगरेका कारण मुलुकमा गतिरोध लम्विएको बताउनु भयो ।
उहाँले भन्नु भयो ‘परिवर्तन सुनिश्चत गर्न दलहरु तयार नभए त्यो वचपना हुनेछ , त्यसको भागिदार सत्तासिन दलहरु हुनेछन’ ।
नेता विश्वकर्माले मुलुकमा अहिलेको परिवर्तन माओबादिले ल्याएको भन्दै अवपनि माओबादिबाट जनताले ठुलो अपेक्षा गरेको बताउनु भयो ।

उहाँले प्रचण्ड र मोहन वैद्य किरणले अवसर पाउदा पनि जनताको परिवर्तनको चाहना अनुसार काम गर्न नसकेका कारण आफुहरुले पार्टि पुर्नगठन गर्नुपरेको बताउनु भयो ।

उहाँले यो फुट कम्युनिष्ट र अन्य प्रजातान्त्रिक पार्टिहरुका लाग समेत अन्तीम फुट हुने बताउनु भयो । उहाले अव आफुहरुले सवैदल र बिभिन्न क्षेत्रमा रहेका राष्ट्रवादि र राष्ट्रिय स्वाधिनता चाहने जनतालाई समेटेर मुलु्कको परिर्वतनको लागि अगाडि वढने बताउनु भयो ।

अर्को प्रशगमा बोल्दै आगामि दिनमा पार्टि कसरि अगाडि वढने भन्ने कुरा भोलि देखि दाङमा हुने केन्द्रिय सम्मेलनले तय गर्ने बताउनु भयो । विश्वकर्माले सम्मेलनबाट बिश्व परिवेश ,राष्ट्रिय राजनिति र जटिलता पहिचान गरि पार्टिको नयाँ कार्यदिशा तय हुने र सोहि अनुसार पार्टि गतिविधि अगाडि वढाईने बताउनु भयो ।

रिपोर्टर्स क्लब दाङका अध्यक्ष शरद रेग्मीको अध्यक्षता भएको पत्रकार सम्मेलनमा बोल्दै पूर्व मन्त्रि समेत रहेका नेता बिश्वकर्माले पार्टिले सम्मेलनका लागि स्वईच्छिक चन्दा संकलन गरिरहेको बताउनु भयो ।

सोहि अवसरमा उहाले पार्टि अहिले शान्ति पुर्ण रुपमा अगाडि वढने र यदि संसदबादि दलहरुले पेलेर जान खोजे पार्टिको कार्ययोजना परिवर्तन हुने सक्ने बताउनु भयो ।

नेकपा माओबादिको भोलि बुधबार देखि दाङको तुलसीपुरमा ४ दिने केन्द्रिय सम्मेलन हुन लागेको छ । त्यसको पुर्व सन्ध्यामा सम्मेलनमा लैजाने एजेण्डका बिषयमा छलफल गर्न हिजो र आज केन्द्रिय समितिको वैठक समेत सम्पन्न भएको नेकपा मओवादी दाङका ईन्चार्ज शितलले जानकारी दिनुभयो ।

प्रतिक्रिया