मंगलबार, कार्तिक ४ २०७७
काठमाडौं ०३:१७
वासिङटन डिसी 17:32

सत्ताको होडबाजीका कारण संविधान निर्माणमा ढिलाई:महरा

इनेप्लिज २०७१ पुष २१ गते ९:१८ मा प्रकाशित

Sostani-335x232

प्यूठान, २१ पुस । एकीकृत माओवादीका महासचिव कृष्णबहादुर महराले काँग्रेस र एमालेको सरकार नेतृत्व कसले गर्ने भन्ने प्रतिस्पर्धाका कारण संविधान निर्माणमा ढिलाई भएको आरोप लगाएका छन् । उनले आफ्नो पार्टीलाई समेत काँग्रेस–एमालेले सरकारमा सहभागी गराउन लोभ देखाएको दाबी गरे ।

सोमबार प्यूठानको विजुवारमा क्रान्तिकारी पत्रकार संघले आयोजना गरेको पत्रकार भेटघाट कार्यक्रममा बोल्दै महासचिव महराले संबिधान निर्माणमा सबैको सहमति असम्भव भएकाले अधिकांशको सहमति खोजिनुपर्ने धारणा व्यक्त गरे ।

उनले संविधानका विवादित विषयमा दलहरुबीच सहमति जुट्न नसके विवादित विषयमा ुनोट अफ डिसेन्टु लेखेरै भए पनि संविधान जारी गर्न सकिने धारणा राखेका छन् । उनले दलहरुमा संविधानका विषयमा सहमति गर्ने भन्दा सरकार पुर्नगठनको विषयले प्राथमिकता पाउँदा सहमति हुन नसकेको जिकिर गरे ।

महराले ११ प्रदेश निर्माण गरी राज्यको पुर्नसंरचना, शासकीय स्वरुप, मिश्रति निर्वाचन प्रणाली, न्याय परिषद् गठन गर्ने विषयमा दलहरु सहमति नजिक पुगेको समेत उल्लेख गरे ।

प्रतिक्रिया