काठमाडौ, ४ पुस । नाइजेरियाको एक गाउँमा आक्रमण गरी आतंकवादी समूह बोको हरामले पछिल्लो समयमा ३३ जनाको हत्या गरेको छ भने कम्तिमा एक सयजनालाई कब्जामा लिएको छ ।

नाइजेरियाको उत्तरी क्षेत्रमा रहेके गुमसुरी गाउँमा हतियारसहित प्रवेश गरेका आतंकवादी समूहका लडाकूहरुले धारिलो हतियार प्रयोग गरी सर्वसाधारणको हत्या गरेका हुन् । उनीहरुले केही युवा, महिला र बालबालिकाकालाई कब्जामा लिएका छन् ।

यता, नाइजेरियाको अमचिदे सहरमा प्रवेश गरेर आतंकवादी समूहले ५० भन्दा बढी घरमा आगो लगाएको छ । यसैबीच, नाइजेरियमा तैनाथ क्यामरुनको सैनिक टोलीले १ सय १६ जना आतंकवादी मारेको दाबी गरेको छ । यो वर्षमात्रै बोको हरामको आक्रमणमा २ हजारभन्दा बढीको ज्यान गइसकेको छ ।

बोको हरामको आक्रमणप्रति त्यहाँको सरकारले भने कुनै प्रतिक्रिया दिएको छैन । (एजेन्सी)