मंगलबार, कार्तिक ११ २०७७
काठमाडौं ११:५०
वासिङटन डिसी 02:05

एनआरएनका कम्पनीहरु छानविनको घेरामा

इनेप्लिज २०७१ पुष ११ गते ८:२५ मा प्रकाशित

nrn logo

काठमाडौं, १० पुस । आन्तरिक राजस्व विभागले एक गैरआवासीय नेपाली (एनआरएन)ले सञ्चालन गरेका विभिन्न आठवटा कम्पनीले कर छली गरेको आशङ्कामा अनुसन्धान थालेको छ ।

अर्थमन्त्रालयमा स्थापना भएको गुनासो सुनुवाइ कक्ष ‘बिगुल’मा परेको उजुरीका आधारमा अर्थमन्त्रालयले विभागलाई छानबिन गर्न निर्देशन दिएलगत्तै छानबिन सुरु गरिएको विभागले जनाएको छ । अनुसन्धानमा रहेका ती व्यक्तिलाई नेपाल बोलाएर सञ्चालन गरेका फर्मका बारेमा जानकारी लिन लागिएको हो । यससम्बन्धी अनुसन्धान सुरु गरिएको आन्तरिक राजस्व विभागका महानिर्देशक चुडामणि शर्माले जानकारी दिनुभयो ।

करको दायरामा नआएका तर कर योग्य आयआर्जन गरेका व्यक्ति तथा संस्थाहरूलाई करको दायरामा ल्याउने अभियानमा कसैले पनि उन्मुक्ति नपाउने भन्दै विभाग सक्रिय भएको हो । बिगुलमा परेका उजुरीमा आम सञ्चारका माध्यमलाई करको छुट दिन नहुने भन्दै अन्य कम्पनीसरह कर लगाउन माग गरिएको छ ।

त्यसैगरी सरकारले उपलब्ध गराउने भनेको कृषि ऋणमा दिने भनिएको अनुदान वास्तविक किसानसम्म नपुगेको भन्दै त्यसलाई कार्यान्वन गर्नसमेत माग गरिएको छ ।

प्रतिक्रिया