नायिकाको जन्मदिनमा छविले दिए चलचित्र उपहार

निर्माता छविराज ओझा पत्रकार सम्मेलन गरेर आफ्नो चलचित्रको प्रचार गरिहाल्ने मानिस होइनन् । तर, उनले आज भने आफ्नो नयाँ चलचित्र ‘हवल्दार सुन्तली’को २ गीत सार्वजनिक गर्न पत्रकार सम्मेलनको नै आयोजना गरे ।

टंक बुढाथोकी र दीपक शर्माले संगीत भरेका २ गीत सार्वजनिक कार्यक्रममा छविले सबैलाई मनपर्ने चलचित्र बनाएको दाबी गरे । कार्यक्रममा सुरुवातमा ‘डोला डोला’बोलको गीत गायक यूवराज चौलागाई र गायिका सहिमा श्रेष्ठल गाएर सुनाएका थिए । कार्यक्रममा यो गीतको साथमा ‘घन्टी बज्यो’बोलको गीतको भिडियो सार्वजनिक गरिएको थियो ।